हृदयघात भएर कप्तान नै बेहोस भएको खेलमा डेनमार्क पराजित

एजेन्सी । डेनमार्कका कप्तान क्रिष्टियन एरिसन मैदानमा घाइते भएपछि गएरातीको खेलमा फिनल्याण्ड विजयी भएको छ । पार्कन स्टेडियममा भएको खेलमा फिनल्याण्डले डेनमार्कलाई ०-१ गोलले पराजित गरेको हो ।

डेनमार्कमा भएको खेलमा पाहुना टोली फिनल्याण्डलाई विजयी गराउन जोएल पोयानपालोले ६० औं मिनेटमा गरेको गोल निर्णायक बन्यो । डेमनकार्काले ७४ मिनेटमा पाएको पेनाल्टी मिस गर्‍यो। डेनमार्कका इमिल होएबिएरको प्रहार लुकास ह्राडेच्कीले विफल पारेका थिए।

डेनमार्कका मिडफिल्डर क्रिस्टियन एरिक्सन मैदानमा बेहोस भएर लडेपछि झण्डै डेढ घण्टा खेल रोकिएको थियो । पहिलो हाफ सकिन दुई मिनेट बाँकी छदा मैदानमा ढलेका उनको थप उपचारका लागि अस्पताल लगिएको थियो। झन्डै १५ मिनेटपछि होस आए पनि खेल अवरुद्ध भएका थियो।