नेदरल्यान्ड्स भर्सेज चेक रिपब्लिक ! पहिलो हाफ गोलरहित बराबरी

काठमाडौं, असार १३ : युरोकप अन्तर्गत नकआउट चरणको आज हुने पहिलो खेलमा नेदरल्यान्ड्स र चेक रिपब्लिकबीच प्रतिस्पर्धा भइरहेको छ । पुस्कास एरिनामा जारी खेलको पहिलो हाफ सकिँदा दुवै टोलीले गोलरहित बराबरी खेलेका छन् ।

हंगेरीमा भइरहेको खेमा दुवै टोलीले पहिलो हाफमा पाएको मौकालाई सदुपयोग गर्न सकेनन् । आजको खेलमा दुवै टोली जित निकाल्दै अघिल्लो चरण प्रवेश गर्ने योजनामा रहेका छन् । आजको खेलको विजेताले आगामी शनिबार डेनमार्कको सामना गर्नेछ।

राउन्ड अफ १६ को पहिलो खेलमा डेनमार्कले वेल्सलाई ४–० ले हराउँदै अन्तिम ८ मा स्थान बनाएको थियो। नेदरल्यान्ड चेक रिपब्लिकलाई हराउँदै डेनमार्कसँगको भेट पक्का गर्न चाहन्छ। उता चेक रिपब्लिक पनि नेदरल्यान्डलाई हराउँदै क्वार्टरफाइनलमा पुग्न चाहन्छ।