एजेन्सी । इन्डियन प्रिमियर लिग आईपीएल टी–ट्वान्टी क्रिकेटको १४ औं संस्करण आजबाट सुरु हुँदैछ । चेन्नईमा साविक विजेता मुम्बई इन्डियन्स र रोयल च्यालेन्जर्स बैगलोरबीचको खेलसँगै आईपीएलको नयाँ संस्करण सुरु हुनेछ । मुम्बई र बैंगलोर बीचको उद्घघाटन खेल नेपाली समय अनुसार साँझ ७ बजेर ४५ मिनेट बाट सुरु हुनेछ ।
रोहित शर्माको कप्तानीमा रहेको मुम्बइ र विराट कोहलीको नेतृत्वमा रहेको बैङलोर बीचको खेलसँगै आइपिएलको सुरुवात हुनेछ । यी दुइ बीच अहिलेसम्म २७ पटक प्रतिस्पर्धा हँुदा १७ खेलमा मुम्बइ र दश खेल बैङलोरले जितेको छ । मुम्बइ आइपिएलको सर्वाधिक सफल ५ पटकको विजेता हो ।
बैङलोरले अहिलेसम्म उपाधी जित्न सकेकाने छैन । आइपिएलमा मुम्बइ र बैङलोर सहित कोलकत्ता नाइट राइडर्स, चेन्नइ सुपर किङस, पंजाब किंस, दिल्ली क्यापिटल्स, राजस्थान रोयल्स र सनराइजर्स हैदराबाद बीच प्रतिस्पर्धा हुनेछ ।
यो सिजनका खेलहरु अहमदाबाद, बेंगलुरु, चेन्नई, दिल्ली, मुम्बई र कोलकता गरी ६ स्थानमा हुनेछन्। विश्वकै ठूलो क्रिकेट रंगशाला नरेन्द्र मोदी रंगशाला अहमदाबादमा प्लेअफका खेलका साथै फाइनल खेल हुनेछ। फाइनल खेल ३० मे मा हुनेछ।