भारतसँग घरेलु टोली श्रीलंका पराजित

काठमाडौं : कप्तान शिखर धवनको अविजित ८६ रनप्रेरित भारतले श्रीलंका विरुद्धको पहिलो एकदिवसीय अन्तर्राष्ट्रिय क्रिकेटमा विजयी सुरूवात गरेको छ। आइतबार कोलम्बोमा भएको खेलमा भारतले श्रीलंकलाई ७ विकेटले पराजित गरेको हो।

श्रीलंकाले दिएको २ सय ६३ रनको मध्यम लक्ष्य भारतले ८० बल अगावै मात्र ३ विकेट गुमाएर पूरा गरेको थियो । भारतको जितमा धवनबाहेक इशान किशनले ५९ रन बनाउँदा पृथ्वी शा ४३ रनमा आउट भए ।

यसअघि कोलम्बोमा टस जितेर ब्याटिङ गरेको श्रीलंकाले निर्धारित ५० ओभरमा ९ विकेटको नोक्सानीमा २ सय ६२ रन बनाएको थियो । कप्तान डसुन शनकाले ३९ रन जोडे भने चरिथ असलंकाले ३८ रनको योगदान गरे। ओपनर अभिस्का फर्नान्डोले ३३ रन जोड्दा मिनोद भनुकाले २७ रन बटुले।