किर्तिमान सहित अमेरिकन पौडीबाज सेलेब ड्रेसलले जिते चौथो स्वर्ण पदक

काठमाडौं । जापानमा भइरहेको टोकियो ओलम्पिकमा अमेरिकन पौडीबाज सेलेब ड्रेसलले ५० मिटर फ्रिस्टाइलमा ओलम्पिक कीर्तिमान सहित स्वर्ण जितेका छन् । आज बिहान भएको प्रतिस्पर्धामा ड्रेसलले २१ सेकेण्ड ०७ मिलिसेकेण्डमा दूरी पूरा गरी स्वर्ण पदक हात पारेका हुन् । टोकियोमा उनको स्वर्ण संख्या चार पुगेको छ ।

सेलेबले ब्राजिलका सेलार सेएलोको नाममा रहेको २१ सेकेण्ड ३० मिलिसेकेण्डको ओलम्पिक कीर्तिमान तोडेका छन् । यस इभेन्टमा विश्व कीर्तिमान पनि उनै सेइलोको नाममा रहेको छ । उनले २००९ मा २०.९१ सेकेण्डको कीर्तिमान बनाएका थिए ।

५० मिटर फ्री स्टाइलमा २१.५५ सेकेण्डमा दूरी पूरा गरेका फ्रान्सका फ्लोरेन्ट मानाउडोले रजत तथा २१.५७ सेकेण्डमा दूरी पूरा गरेका ब्राजिलका ब्रूनो फ्रातुसले काश्य पदक जिते।