काठमाडौं । अर्जेटिनी खेलाडी लियोनेल मेस्सी फेन्च क्बल पीएसजीमा दुई बर्षको लाग अनुबन्धित भइसकेका छन् । भर्खरै मात्र बार्सिलोनाबाट बिदा भएका लियोनेल मेस्सीले पीएसजीको प्रस्तावमा सहमति जनाउँदै २ वर्षका लागि सम्झौता गरेका हुन् ।
पिएसजीमा आवद्ध हुने बित्तिकै मेस्सीले फेरि एकपटक च्याम्पियन्स लिग फुटबलको उपाधि जित्ने सपना रहेको बताएका छन् । यो पटक पिएसजीबाट त्यो चाहना पूरा गर्ने उनले बताएका हुन् । ३४ वर्षका मेस्सीले स्पेनिस क्लब बार्सिलोनाबाट चारपटक च्याम्पियन्स लिगको उपाधि जितेका छन् । उनले पछिल्लोपटक सन् २०१५ मा उपाधि जितेका थिए । तर अब पिएसजीमा मेसिले कहिले डेब्यु खेल खेल्छन् भन्ने सबैलाई चासो रहेको छ ।
मेसीले आउँदो शनिबार नै पिएसजीबाट आफ्नो पहिलो खेल खेल्नेछन् । शनिबार घरेलु लिग वानमा पिएसजी र स्ट्रर्सबर्गको सामना गर्दैछ। उक्त खेल पिएसजीको घरेलु मैदान पार्क देस प्रिसेन्समा हुनेछ। नेपाली समयअनुसार राति १२ः४५ बजे हुने उक्त खेलमा मेसीले पिएसजीबाट डेब्यू गर्ने लगभग पक्का छ।