काठमाडौं । ला लिगा च्याम्पियन एथ्लेटिको मड्रिडले एन्टोनिओ ग्रिजम्यानलाई पुनः अनुबन्धित गरेको छ । एट्लेटिकोले ग्रिजम्यानलाई बार्सिलोनाबाट एक वर्षका लागि लोनमा ल्याएको हो। एट्लेटिकोले ३० वर्षीय ग्रिजम्यानलाई अर्को स्पेनिस क्लब बार्सिलोनाबाट १ वर्षका लागि लोनमा भित्र्याएको हो । क्लबले उनलाई स्थायी खेलाडीको रूपमा अनुबन्ध गर्न सक्ने सर्त पनि राखेको छ ।
यसअघि सन् २०१९ मा ग्रिजम्यान एट्लेटिकोबाट बार्सिलोना गएका थिए । उनका लागि बार्सिलोनाले १०७ मिलियन पाउण्ड स्ट्रर्लिङ तिरेको थियो। ग्रिजम्यान आर्थिक समस्याबाट गुज्रिरहेको बार्सिलानाबाट बाहिने ११ औँ खेलाडी हुन् । क्लबले यही सिजन आफ्ना सबैभन्दा महत्वपूर्ण तथा सफल खेलाडी लियोनल मेस्सीलाई पनि गुमाएको थियो ।
मेस्सी फ्रेन्च क्लब पेरिस सेन्ट जर्मेन (पिएसजी) पुगेका छन् । बार्सिलोनाले ग्रिजम्यानसँगै डिफेन्डर एमर्सन रोयल र मिडफिल्डर इलाइस मेरिबालाई पनि अन्यत्र पठाएको छ। यसअघि एट्लेटिकोका लागि २५७ खेलमा १३३ गोल गरेका थिए। फ्रेन्च खेलाडी ग्रिजम्यानले बार्सिलोनाका लागि १०२ खेलमा ३५ गोल गरेका छन्।
