एम्बाप्पेले जिते बाह्रौं संस्करणको ‘ग्लोब सकर अवार्ड’

समाचार

काठमाडौं । फ्रान्सेली क्लब पेरिस सेन्ट जर्मेन पीएसजी तथा फ्रान्सका युवा फरवार्ड केलियन एम्बाप्पे यस संस्करणको ग्लोब सकर अवार्डबाट सम्मानित भएका छन् । एम्बाप्पेले वर्ष खेलाडी बन्ने क्रममा ६ पटकको विजेता क्रिष्टियानो रोनाल्डो गत वर्षको विजेता रोबर्ट लेवान्डोस्की र लियोनल मेस्सीलाई पछि पार्दै भोटिङको आधारमा यो अवार्ड हात पारेका हुन् ।

२३ वर्षीय एम्बाप्पेले गत सिजन फ्रेन्च लिग वानमा २७ गोल गरेका थिए । एम्बाप्पेकै उच्च प्रदर्शनमा फ्रान्सले युईएफए नेसन्स लिगको उपाधी समेत जित्‍न सफल भएको थियो । संयुक्त अरब इमिरेट्सस्थित अल वाल्स प्लाजामा सम्पन्न भएको बाह्रौं संस्करणको यो अवार्ड समारोहमा एम्बाप्पेलाई पुरस्कृत गरिएको थियो ।

त्यसैगरी जर्मन क्लब वार्यन म्युनिखका रोबर्ट लेवान्डोस्कीले टिकटक फ्रेन्ड्स अवार्ड र म्याराडोना अवार्ड जित्‍न सफल भएका छन् । पोर्चुगिज फरवार्ड तथा म्यानचेष्टर युनाइटेडका चर्चित खेलाडी क्रिष्टियानो रोनाल्डोले सर्वाधिक गोलकर्ता अलटाइम अवार्ड हात पारेका छन् । रोनाल्डोले व्यवसायिक खेलमा ८ सय भन्दा बढी गोल गरिसकेका छन् ।

Facebook Comments Box
यो खबर पढेर तपाईलाई कस्तो महसुस भयो ?
+1
0
+1
0
+1
0
+1
1
+1
0
+1
0
+1
0

Leave a Reply

Your email address will not be published. Required fields are marked *