एजेन्सी । इंग्लिस प्रिमियर लिगमा म्यानचेस्टर युनाइटेडले सानदार जित निकालेको छ । गएराति भएको खेलमा युनाइटेडले घरेलु टोली लिड्स युनाइटेडलाई ४–२ ले पराजित गरेको हो ।
युनाइटेडलाई सानदार जित दिलाउनको लागि ह्यारी मगाएर, ब्रुनो फर्नान्डेस, फ्रेड र एन्थोनी इलांगाले समान एक–एक गोल गरे । घरेलु टोलीका रोड्रिगो र राफिन्हाले गोल फर्काए ।
खेलको ३४औं मिनेटमा ह्यारीले गोल गर्दैं युनाइटेडलाई अग्रता दिलाएका थिए । उनले लुका साको पासमा गोल गरेका थिए । पहिलो हाफको इन्ज्युरी समयमा ब्रुनो फर्नान्डेसले गोल गर्दै युनाइटेडको अग्रता दोब्बर बनाए ।
दोस्रो हाफको सुरुमै घरेलु टोलीले दुई मिनेटको अन्तरमा दुई गोल गरेपछि खेल २–२ को बराबरीमा आयो । ५३औं मिनेटमा रोड्रिगो र ५४औं मिनेटमा राफिन्हाले गोल गरेका थिए ।
७०औं मिनेटमा फ्रेडले जेडान सान्चोको पासमा गोल गर्दै युनाइटेडलाई ३–२ ले अघि बढाए । ८८औं मिनेटमा ब्रुनोको पासमा एन्थोनी इलांगाले गोल गर्दै युनाइटेडको जित पक्का गरे ।
यो जितसँगै युनाइटेड २६ खेलबाट ४६ अंक जोडेर चौथो स्थानमा यथावत रहेको छ । पराजित लिड्स २४ खेलबाट २३ अंक जोडेर १५औं स्थानमा रहेको छ ।
