काठमाडौं । नेपाली स्पिनर सन्दीप लामिछानेले क्यारेबियन प्रिमियर लिग (सीपीएल) टी–ट्वान्टी क्रिकेटको नयाँ शिजन ट्रिनबागो नाइट राइडर्सबाट खेल्ने भएका छन् । उनलाई आज ट्रिनबागो नाइट राइडर्सले आफ्नो टिममा अनुबन्ध गरेको हो । यसैबिच सन्दीपले नाइट राइडर्सबाट सिपिएल खेल्न उत्साही रहेको बताएका छन् ।
सिपिएलमा छनोट भएको खबर सार्वजनिक भए लगत्तै सामाजिक संञ्जाल मार्फत ‘नाइट राइडर्स परिवारँग आवद्ध हुन पाउदा निकै खुसि छु भनेर प्रतिक्रिया दिएका छन् । ‘ गत बर्षको च्याम्पियन टिम ट्रिनबागो नाइट राइडर्सको प्रतिनिधित्व गर्न उत्साहित छु। यो पक्कै गजबको यात्रा हुनेछ। म गत वर्ष अवसर दिएकोमा जमैका तलावाज टिम प्रति पनि आभार व्यक्त गर्न चाहन्छु।” सन्दिपले भने ।
बलिउड नायक साहरुख खानको लगानि रहेको ट्रिनबागो नाइट राइडर्सले गत सिजन उपाधि जितेको टिमका ११ खेलाडीलाई रिटेन गरिसकेको छ । जसमा स्पीनरहरु सुनिल नारिन, अखिल हुसेन र ख्यारी पिएरे पनि छन् । सन्दीपको अनुबन्धले ट्रिनवागोको स्पीन बलिङ झन् बलियो बनेको छ । प्लेइङ ईलाभेनमा पर्न पनि सन्दिपलाई केहि सहज देखिन्छ ।
सन्दिपले सन् २०१८ मा पहिलो पटक सेन्ट किट्स एन्ड नेभिस पेट्रीयट्सबाट सिपिएल खेलेका थिए। यस गत सिजन जमैका तलावाज र सन् २०१९ मा बार्बाडोस ट्राइडेन्ट्सबाट सीपीएल खेलिसकेका छन् । सीपीएलको नवौं संस्करण अगष्ट २८ देखि सेप्टेम्बर १९ सम्म सेन्ट किट्स एण्ड नेभिसमा हुनेछ ।
ट्रिनबागो नाइट राइडर्स टिम : किरन पोलार्ड,कोलिन मुनरो, सुनिल नारायण, ड्वेन ब्राभो, लेन्डल सिमोन्स, एण्डरसन फिलिप, दिनेश राम्दीन, टायन वेब्स्टर, अकेल होसेन जेडन सिल्स, अलि खान, सिकन्दर राजा, खरी पिएरे
