काठमाडौं । आयाक्सबाट आठ करोड २० लाख पाउण्डमा अनुबन्ध भएका एन्टोनीले डेब्यू खेलमै गोल गरेको दिन म्यानचेस्टर युनाइटेडले आइतबार राति इङ्लिस प्रिमियर लिगमा आर्सनललाई ३–१ गोल अन्तरले हराएको छ । ब्राजिलका विंगर एन्टोनीले ३५ औँ मिनेटमा गरेको गोलबाट घरेलु टोली युनाइटेडले अग्रता लिएको थियो । एन्टोनीको गोलमा मार्कुस राशफोर्डले अवसर सिर्जना गरिदिएका थिए । राशफोर्ड आफैले पनि दुई गोल थपे ।
आर्सनलका बुकायो साकाले ६० औँ मिनेटमा बराबरी गोल फर्काएका थिए । त्यसको ६ मिनेटपछि राशफोर्डले पुनः युनाइटेडलाई अग्रता दिए । राशफोर्डले ब्रुनो फर्नान्डेजको पासमा गोल गरेका हुन् । खेल सकिन १५ मिनेट बाँकी हुँदा राशफोर्डले क्रिष्टियन इरिक्सनको पासमा अर्को गोल थपेपछि युनाइटेडले तीन अंक पक्का गरेका हुन् ।
राशफोर्डले प्रिमियर लिगको एकै खेलमा दुई गोल गरेको यो २०२० डिसेम्बरपछि पहिलो पटक हो । १२ औँ मिनेटमा आर्सनलका गाब्रियल मार्टिनेलीले गरेको गोललाई भिडियो सहायक रेफ्री (भीएआर)ले मान्यता दिएन ।
जितसँगै युनाइटेडले लगातार चार खेलमा विजय हासिल गर्न सफल भएको छ । ठिक विपरीत आर्सनलको सतप्रतिशत नतिजामा पूर्णविराम लागेको छ । आर्सनल सुरुको पाँच खेलमा विजयी नतिजा निकाल्न सफल भएको थियो ।
‘‘हामीले जित्न सकेनौँ । किनभने केही पक्षमा हामी कमजोर रह्यौँ । हामीले अग्रपंक्तिमा चाहिने जति खेल्न सकेनौँ,’’ आर्सनलका प्रशिक्षक मिकेल आर्टेटाले भने, ‘‘हामीले अलि धेरै साहसका साथ खेलेको भए जित्न सक्थ्यौँ । यो हाम्रो लागि ठूलो पाठ हो । यहाँ जित्नका लागि सबै कुरा गर्नुपर्छ ।’’
हारका बाबजुद आर्सनल १५ अंकका साथ शीर्ष स्थानमा यथावत छ । जुन दोस्रो स्थानको म्यानचेस्टर सिटीभन्दा र तेस्रो स्थानको टोटनहमभन्दा एक अंकले माथि हो । जितपछि युनाइटेड भने पाँचौँ स्थानमा उक्लन सफल भएको छ । युनाइटेडले १२ अंक जोडेको छ । १३ अंक जोडेको ब्राइटन चौथो स्थानमा छ ।
noteburner itunes audio converter kmspico portable kmspico portable snaptube apk download 2022 kinemaster download kinemaster kinemaster for pc free fire download for pc ativador office 365
