काठमाडौं । नेपाली राष्ट्रिय फुटबल टिमले २० बर्षपछि शनिबार स्थानीय समयअनुसार राति साढे ७ बजे इराकसँग मैत्रीपूर्ण खेल खेल्दैछ । यो खेल बसरा अन्तराष्ट्रिय मैदानमा हुनेछ ।
खेल हुनु भन्दा एक दिन अगाडी नेपाली रटिम कप्तान तथा गोलकिपर किरण चेम्जोङले इराक विरुद्धको मैत्रीपूर्ण खेलका लागि नेपाली तयार रहेको बताएका छन् । बिहीबार साँझ इराकी मिडियासँग कुरा गर्दै यो मैत्रिपुर्ण खेल नेपालका लागि ठूलो चुनौति रहे पनि आफुहरु तयार भएको बताएका हुन् ।
किरणले बलियो इराकसँग खेल्न पाउनु नेपालको लागि ठुलो अवसर रहेको बताउदै यस अवसरलाई उपलब्धीमा बदल्न कोसिस गर्ने बताए । इराकसँगको मैत्रीपूर्ण खेलको लागि नेपाली टिमले हिजो रात्रीकालिन अभ्यास गरेको थियो। २३ खेलाडीसहित ३५ सदस्सीय नेपाली राष्ट्रिय फुटबल टोली बुधबार नै इराकको बस्रा पुगेको थियो ।
नेपाली टिम
गोलरक्षक : किरण चेम्जोङ, विशाल सुनार र दीप कार्की ।
डिफेन्डर : रोहित चन्द, अनन्त तामाङ, दिनेश राजवंशी, गौतम श्रेष्ठ, सुमन अर्याल र विकास खवास ।
मिडफिल्डर : विशाल राई, मनीष डाँगी, एरिक विष्ट, कमल थापा, सन्तोष तामाङ, सुमन लामा, सुनिल बल, सुरजजिउ ठकुरी, पुजन उपरकोटी र आयुष घलान ।
फरवार्ड : अभिषेक रिजाल, अन्जन विष्ट, नवयुग श्रेष्ठ र आशिष लामा ।