Categories
क्रिकेट

चेन्नाईलाई हराउँदै दिल्ली आईपिएलको शिर्ष स्थानमा

काठमाडौं : सन्दीप लामिछानेको टिम दिल्ली क्यापिटल्सले इन्डियन प्रिमियर लिग (आइपिएल) क्रिकेटमा लगातार दोस्रो जित निकाल्दै शीर्ष स्थानमा पुगेको छ । शुक्रबार राति भएको खेलमा दिल्लीले चेन्नाई सुपर किंग्सलाई ४४ रनले हराउँदै दिल्ली तालिकाको शीर्ष स्थानमा पुगेको हो ।

दुबई अन्तर्राष्ट्रिय क्रिकेट मैदानमा भएको खेलमा दिल्लीले दिएको १७६ रनको लक्ष्य पछएको चेन्नईले निर्धारित २० ओभरमा सात विकेट गुमाउँदै मात्र १३१ रन बनायो । उसका लागि फाप डु प्लेसिसले ४३ रन जोडे। केदार जादवले २६ रन जोडे भने कप्तान महेन्द्रसिंह धोनीले १५ रन र रवीन्द्र जडेजाले १२ रन बटुले।

कसिलो बलिङ गरेको दिल्लीका लागि कागिसो राबडाले ३, एन्रीच नोर्ट्जले २ र अक्षर पटेलले १ विकेट हात पारे । यसअघि टस हारेर पहिले ब्याटिङ गरेको दिल्लीले निर्धारित २० ओभरमा तीन विकेट गुमाउँदै १७५ रन बनाएको थियो ।

दिल्लीका लागि ओपनर पृथ्वी शाले ६४ रनको अर्धशतकीय इनिङ्स खेलेका थिए। अर्का ओपनर शिखर धवनले ३५ रन जोड्दा पहिलो विकेटका लागि उनीहरुले ९४ रनको साझेदारी गरेका थिए । दिल्लीका लागि ऋषब पन्तले ३७ र कप्तान श्रेयस आयरले २६ रन बनाए ।

बलिङतर्फ भने चेन्नाईका पियुष चावलाले दुई विकेट लिदा साम कुरनको नाममा एक विकेट रह्यो। दिल्लीले आफ्नो पहिलो खेलमा किंग्स इलाभेन पञ्जाबलाई सुपर ओभरमा पराजित गरेको थियो।

चेन्नईबिरुद्धको खेलमा पनि दिल्लीले नेपाली लगस्पिनर सन्दिप लामिछानेलाई बेञ्चमै राखेको थियो । आईपीएलको आठौं खेलमा आज सनराईजर्स हैदरावाद र कोलकत्ता नाईट राईडर्स प्रतिस्पर्धा गर्नेछन् ।

Categories
क्रिकेट

पन्जाबसँग बेंगलोरको लज्जास्पद हार, राहुलको कीर्तिमान

काठमाडौं । युएईमा जारी १३ औं संस्करणको इन्डियन प्रिमियर लिग (आईपीएल) क्रिकेटमा रोयल च्यालेन्जर्स बेंगलोरले किंग्स इलेभेन पञ्जाबसँग शर्मनाक हार बेहोरेको छ । बिहीबार राति भएको खेलमा पञ्जाबले रोयल च्यालेन्जर्स बैंग्लोरलाई ९७ रनले पराजित गरेको हो।

दुबई अन्तर्राष्ट्रिय क्रिकेट स्टेडियममा पन्जाबले दिएको २ सय ७ रनको लक्ष्य पछ्याएको बैंगलोर १७ ओभरमा अलआउट हुँदै १ सय ९ रनमा समेटियो । बैंग्लुरुको सुरुवात निकै खराब रह्यो । उसले मात्र ४ रनमा तीन विकेट गुमाएको थियो । बैंगलोरका लागि वासिङ्गटन सुन्दरले सर्वाधिक ३० रन जोडे ।

यस्तै एबी डी भिलियर्सले २८ तथा आरोन फिन्चले २० रन बनाए शिवम डुबे १२ रनमा आउट भए । बलिङतर्फ पन्जाबका लागि मुर्गान अश्विन र रवि विश्नोइले सर्वाधिक तीन–तीन विकेट लिए । त्यस्तै सेल्डोन कट्रेलले दुई विकेट लिँदा मोहमद स्वामी र गेलेन म्याक्सवेलले एक–एक विकेट लिए ।

यसअघि टस हारेर पहिले ब्याटिङ गरेको पन्जाबले निर्धारित २० ओभरमा ३ विकेट गुमाउँदै २०६ रन बनाएको थियो । पन्जाबका लागि कप्तान केएल राहुलले अविजित रहँदै १ सय ३२ रनको शतकीय इनिङ्स खेले । उनले ६९ बलमा ७ छक्का र १४ चौका प्रहार गरे । उनी यस सिजनको आईपीएलमा शतक बनाउने पहिलो खेलाडी बने । यस्तै मायांक अग्रवालले २६ तथा निकोलस पुरनले १७ रन बनाए । बैंगलोरका बलर शिभम दुबेले २ विकेट लिए भने युजवेन्द्र चहलले एक विकेट लिएका थिए ।

जितसँगै पन्जाबले २ खेलमा २ अंक जोडेको छ । पन्जाब तालिकाको शीर्ष स्थानमा रहेको छ । पहिलो खेलमा पन्जाब दिल्ली क्यापिटल्ससँग सुपर ओभरमा पराजित भएको थियो । बैंगलोरको यो पहिलो हार हो । पहिलो खेलमा बैंगलोरले सनराइजर्स हैदराबादलाई १० रनले हराएको थियो । बैंगलोर २ खेलमा २ अंकसहित छैटौं स्थानमा रहेको छ । आइपिएलमा शुक्रबार दिल्ली क्यापिटल्स र चेन्नई सुपरकिंग्सबीच खेल हुनेछ।

Categories
क्रिकेट

मिचेल मार्स आइपिएलबाट बाहिरिए

काठमाडौं– सनराइजर्स हैदराबादका अलराउण्डर मिचेल मार्स इन्डियन प्रिमियर लिग (आइपिएल) बाट बाहिरिएका छन्। रोयल च्यालेन्जर्स बैंग्लोरविरुद्धको खेलको क्रममा घाइते भएका मार्सले यो सिजनको बाँकी खेल गुमाउने भएका छन्।

बैंग्लोरविरुद्ध बलिङ गर्ने क्रममा उनको खुट्टामा समस्या देखिएको थियो। उनको स्थानमा वेष्ट इन्डिजका अलराउण्डर जासन होल्डरलाई टिममा अनुबन्धन गरिएको हैदराबादले जानकारी दिएको छ।

बैंग्लोरविरुद्ध ४ बल मात्रै मार्सले बलिङ गरे। ब्याटिङतर्फ भने उनी शून्य रनमै आउट भएका थिए। उनले खेल्दाखेल्दै घाइते भएका कारण दोस्रो पटक आइपिएल गुमाएका हुन्। यसअघि २०१७ को आइपिएलमा कुममा समस्या आएपछि राइजिङ पुने सुपरजाइन्टसबाट बाहिरिएका थिए।

मार्सलाई सनराइजर्स हैदराबादले २ करोड मूल्यमा टिममा राखेको थियो। पहिलो रोजाइका खेलाडी नै घाइते हुँदै आइपिएलबाट बाहिरिएपछि हैदराबादलाई ठूलो झड्का लागेको छ।

Categories
क्रिकेट

पहिलो खेलमै हार्‍यो कोलकाता नाइट राइडर्स

काठमाडौं, असोज ८ । इन्डियन प्रिमियर लिग (आईपीएल) ट्वेन्टी-२० क्रिकेटमा साविक विजेता मुम्बई इन्डियन्सले पहिलो जित निकालेको छ । यो सिजनको उद्घाटन खेलमा चेन्नई सुपर किंग्ससँग हारेको मुम्बईले बुधबार राति भएको आफ्नो दोस्रो खेलमा कोलकाता नाइट राइडर्सलाई ४९ रनले हरायो ।

आबुधाबी क्रिकेट मैदानमा टस हारेर पहिले ब्याटिङ गरेको मुम्बईले निर्धारित् २० ओभरमा ५ विकेट गुमाएर १९५ रन बनाएको थियो । उसका लागि कप्तान रोहित शर्माले ८० रन तथा सूर्यकुमार यादवले ४७ रन बनाए ।

कोलकताका शिवम माभीले २ विकेट लिए । जवाफमा १९६ रनको विजय लक्ष्य पछ्याएको कोलकाताले २० ओभरमा ९ विकेट गुमाउँदै १४६ रनमात्र बनाउन सक्यो । आईपीएल क्रिकेटमा बिहीबार राति किंग्स इलेभेन पन्जाब र रोयल च्यालेन्जर्स बैंग्लोर भिड्नेछन् ।