Category: समाचार

मुम्बई : अस्ट्रेलियाका पूर्व क्रिकेटर डिन जोन्सको मृत्यु भएको छ । ५९ वर्षीय हृदयघातका कारण मुम्बईमा मृत्यु भएको भारतीय सञ्चार माध्यमहरुले खबर दिएका छन् । अहिले मुम्बईमा बसेर यूएईमा चलिरहेको इन्डियन प्रिमियर लिग (आइपिएल)को कमेन्ट्री गर्दै आएका थिए ।

ब्याट्सम्यान जोन्सले १९८४ देखि १९९४ सम्म अस्ट्रेलियाको राष्ट्रिय टोलबाट उनले क्रिकेट खेलेका थिए । अस्ट्रलियाको राष्ट्रिय टोलीले खेलेका ५२ टेस्ट र १६४ एकदिवसीयमा जोन्स सहभागी थिए ।

यस क्रममा उनले टेस्टतर्फ ८९ इनिङमा ब्याटिङ गर्दा ३६३१ र एकदिवसीय प्रतियोगिताका १६१ इनिङमा ६०६८ रन जोडेका थिए । उनी पछिल्लो समय क्रिकेट कमेन्ट्रीमा निकै रुचाइएका व्यक्ति थिए।

काठमाडौं । नेपाली क्रिकेट टिमका सदस्य ललित भण्डारीको शल्यक्रिया सफल भएको छ । आइतबार मोटरसाइकल दुर्घटनामा घाइते भएका उनको ग्राण्डी अस्पतालमा उपचार भइरहेको थियो । उनको आज दायाँ हातको शल्यक्रिया सफल भएको हो ।

क्रिकेट खेलाडी संघ नेपाल सिप्यान का अनुसार उनको शल्यक्रिया ग्राण्डी अस्पतालमा डा. चक्रराज पाण्डे र उनको टिमले गरेको थियो । उनको स्वास्थ्य अहिले स्थिर रहेको उपचारमा संग्लन चिकित्सकले बताएका छन् ।

गत आइतबार साँझ कञ्चनपुरमा मोटरसाइकल दुर्घटनामा घाइते भएका क्रिकेटर भण्डारीको दुवै हात र दुवै खुट्टामा चोट लागेको थियो।